॥ दोहा ॥

श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि॥

॥ चोपाई ॥

जय हनुमान ज्ञान गुन सागर।
जय कपीस तिहुँ लोक उजागर॥

राम दूत अतुलित बल धामा।
अंजनि पुत्र पवनसुत नामा॥

महाबीर बिक्रम बजरंगी।
कुमति निवार सुमति के संगी॥

कंचन बरन बिराज सुबेसा।
कानन कुण्डल कुंचित केसा॥

हाथ बज्र औ ध्वजा बिराजे।
काँधे मूँज जनेऊ साजे॥

शंकर सुवन केसरी नंदन।
तेज प्रताप महा जग बंदन॥

विद्यावान गुनी अति चातुर।
राम काज करिबे को आतुर॥

प्रभु चरित्र सुनिबे को रसिया।
राम लखन सीता मन बसिया॥

सूक्ष्म रूप धरि सियहिं दिखावा।
बिकट रूप धरि लंक जरावा॥

भीम रूप धरि असुर संहारे।
रामचंद्र के काज सवारे॥

लाय सजीवन लखन जियाये।
श्रीरघुबीर हरषि उर लाये॥

रघुपति कीन्ही बहुत बड़ाई।
तुम मम प्रिय भरतहि सम भाई॥

सहस बदन तुम्हरो जस गावैं।
अस कहि श्रीपति कंठ लगावैं॥

सनकादिक ब्रह्मादि मुनीसा।
नारद सारद सहित अहीसा॥

जम कुबेर दिगपाल जहां ते।
कवि कोबिद कहि सके कहां ते॥

तुम उपकार सुग्रीवहिं कीन्हा।
राम मिलाय राज पद दीन्हा॥

तुम्हरो मंत्र विभीषन माना।
लंकेश्वर भए सब जग जाना॥

जुग सहस्त्र जोजन पर भानू।
लील्यो ताहि मधुर फल जानू॥

प्रभु मुद्रिका मेलि मुख माहीं।
जलधि लांघि गये अचरज नाहीं॥

दुर्गम काज जगत के जेते।
सुगम अनुग्रह तुम्हरे तेते॥

राम दुआरे तुम रखवारे।
होत न आज्ञा बिनु पैसारे॥

सब सुख लहै तुम्हारी सरना।
तुम रक्षक काहू को डर ना॥

आपन तेज सम्हारो आपै।
तीनों लोक हांक तें कांपै॥

भूत पिशाच निकट नहिं आवै।
महाबीर जब नाम सुनावै॥

नासै रोग हरै सब पीरा।
जपत निरंतर हनुमत बीरा॥

संकट से हनुमान छुड़ावै।
मन क्रम वचन ध्यान जो लावै॥

सब पर राम तपस्वी राजा।
तिन के काज सकल तुम साजा॥

और मनोरथ जो कोई लावै।
सोइ अमित जीवन फल पावै॥

चारों जुग परताप तुम्हारा।
है परसिद्ध जगत उजियारा॥

साधु सन्त के तुम रखवारे।
असुर निकंदन राम दुलारे॥

अष्टसिद्धि नौ निधि के दाता।
अस बर दीन जानकी माता॥

राम रसायन तुम्हरे पासा।
सदा रहो रघुपति के दासा॥

तुम्हरे भजन राम को पावै।
जनम जनम के दुख बिसरावै॥

अन्त काल रघुबर पुर जाई।
जहाँ जन्म हरि भक्त कहाई॥

और देवता चित्त न धरई।
हनुमत सेई सर्व सुख करई॥

संकट कटै मिटै सब पीरा।
जो सुमिरै हनुमत बलबीरा॥

जय जय जय हनुमान गोसाईं।
कृपा करहु गुरुदेव की नाईं॥

जो शत बार पाठ कर कोई।
छूटहि बंदि महासुख होई॥

॥ दोहा ॥

(अंतिम दोहा)

जो यह पढ़ै हनुमान चालीसा।
होय सिद्धि साखी गौरीसा॥

तुलसीदास सदा हरि चेरा।
कीजै नाथ हृदय महँ डेरा॥

In English

॥ Doha ॥

Shri Guru Charan Saroj Raj, Nij manu mukur sudhaari
Barnaun Raghubar bimal jasu, Jo dayaku phal chari

॥ Chaupai ॥

Jai Hanuman gyaan gun saagar
Jai Kapees tihun lok ujaagar

Ram doot atulit bal dhaamaa
Anjani putra Pavan sut naamaa

Mahabir Bikram Bajrangi
Kumati nivar sumati ke sangi

Kanchan baran biraaj subesa
Kanan kundal kunchit kesa

Haath bajra aur dhvaja biraaje
Kaandhe moonj janeu saaje

Shankar suvan Kesari nandan
Tej prataap maha jag bandan

Vidyavaan guni ati chatur
Ram kaj karibe ko aatur

Prabhu charitra sunibe ko rasiya
Ram Lakhan Sita man basiya

Sookshma roop dhari Siyahi dikhava
Bikat roop dhari Lanka jarava

Bheem roop dhari asur sanghare
Ramachandra ke kaaj sanvare

Laaye Sanjeevan Lakhan jiyaaye
Shri Raghubir harashi ur laaye

Raghupati keenhi bahut badaai
Tum mam priya Bharat-hi sam bhai

Sahas badan tumharo yash gaave
Asa-kahi Shripati kanth lagaave

Sankadik Brahmadi Muneesa
Narad Sarad sahit Aheesa

Yam Kuber Digpaal jahan te
Kavi kovid kahi sake kahan te

Tum upkar Sugreevahin keenha
Ram milaye rajpad deenha

Tumharo mantra Vibheeshan maana
Lankeshwar bhaye sab jag jana

Yug sahastra jojan par Bhanu
Leelyo taahi madhur phal jaanu

Prabhu mudrika meli mukh maahi
Jaladhi langhi gaye achraj naahi

Durgam kaaj jagat ke jete
Sugam anugrah tumhre tete

Ram duware tum rakhvare
Hoat na aagya binu paisare

Sab sukh lahe tumhari sharna
Tum rakshak kaahu ko darna

Aapan tej samharo aapai
Teenhon lok haank te kaanpai

Bhoot pisaach nikat nahin aavai
Mahabir jab naam sunavai

Naasaye rog hare sab peera
Japat nirantar Hanumat beera

Sankat se Hanuman chudavai
Man Kram Vachan dhyan jo lavai

Sab par Ram tapasvee raja
Tin ke kaaj sakal tum saaja

Aur manorath jo koi lavai
Sohi amit jeevan phal pavai

Charon yug partap tumhara
Hai parasiddh jagat ujiyara

Sadhu sant ke tum rakhware
Asur nikandan Ram dulare

Ashta siddhi nav nidhi ke daata
Asa bar deen Janaki maata

Ram rasayan tumhare paasaa
Sadaa raho Raghupati ke daasa

Tumhare bhajan Ram ko pavai
Janam janam ke dukh bisravai

Ant kaal Raghubar pur jaai
Jahan janma Hari bhakt kahai

Aur devta chitt na dharai
Hanumat sei sarva sukh karai

Sankat kate mite sab peera
Jo sumirai Hanumat balbeera

Jai Jai Jai Hanuman Gosaain
Kripa karahu Gurudev ki naai

Jo sat bar paath kar koi
Chhootahi bandi maha sukh hoi

॥ Doha ॥

Jo yeh padhe Hanuman Chalisa
Hoy siddhi Saakhi Gaureesa

Tulsidas sada hari chera
Keejai Naath hriday mein dera